羊馱來’脫落地裏，趁惹風擂擂動。

一隻兔走㙮過，畀佢粨牢。兔頭拎轉一朞望，戳眼个躸身抖抖，畀佢抖及落。

羊馱來’脫落爛泥裏，繼續讓風索索，掏掏，無助个雞頭旋。

過個一朞，一隻老鼠走㙮過，箇一遍佢畀隻老鼠猴㨃㨃牢。老鼠抖一兩垡都抖侇不落，塌爛隑株樹裏，畀佢𢬿落來。

風越來越大，雲糊來密密層層。羊馱來’粨一隻頭䁬落來个狗兒躸身裡。

“爾也搭我向無屋裏好轉啊？”狗兒輕輕問，帶羊馱來’走。無多少時長，雨落來大險，扣得倒落來向。整身瀾完隻狗兒尾巴夾起埋箇牆角落頭，細心羊馱來’油塞躸身下，慢慢似睏去。

狗兒醒轉來朞，雨落晴爻，佢意外發現躸身裡个毛一朞湊便燥鬆鬆爻講。兩幅’扣抽出个葉’蕩落，畀佢个腦頂頭㔶牢。

水珠趁葉筋裏溜落，徠初陽裏爍爍動。

羊驮来’脱落地里，风打来擂擂动。

一只兔儿走㙮’过，畀佢迫仂毛里。兔儿头拎转一记望，多少戳眼，躸身一记抖，畀佢抖落。

羊驮来’落仂烂泥地，接牢䜒风搓搓，掏掏，打鸡头旋。

过个一朞，一只老鼠走㙮’过，佢畀只老鼠猴𠡒𠡒牢。只老鼠抖关系垡数都抖不落。塌烂揩树里，畀侇揩落来。

风只大起爻，乌云密稠稠。羊驮来’迫一只头忠落个狗儿地。

“尔也搭我向无宕地转啊？”狗儿轻轻问问，畀羊驮来’带走。只一玱，雨落砰砰声起。只狗儿能颗头溚澜，尾巴缩来埋墙角落头，猴小心羊驮来’油塞躸身下，慢慢困丂。

等条狗儿醒转来朞，雨落静爻，佢发现自己躸身里个毛差不多松燥爻。两幅扣养起个叶’挂荡荡，畀佢个脑顶抌牢。

露水趁幅叶个筋流落，徕枯心个太阳佛下烁烁亮貤个味道。

苍耳落在了地上，随着风翻滚。

一只兔子路过，被它粘上。兔子回头望了一眼， 厌恶地抖了抖身子，将其甩脱。

苍耳落到泥土中，继续被风揉搓着，推搡着，无助地乱转。

过了一会儿，有只老鼠路过，这次它死死地拽住了老鼠。老鼠抖了几次都没能抖落，最后倚着树，将它蹭了下来。

风越来越大，乌云密布。苍耳粘上了一只垂着头的小狗。

“你也像我一样无家可归吗?”小狗轻轻问着，带上了苍耳。不多时，大雨倾盆落下。浑身湿透的小狗夹着尾巴躲在墙角，小心翼翼地把苍耳藏在身下，缓缓睡去。

小狗醒来时，雨已经停了，它意外地发现自己身上的毛居然趋近干爽。几片初生的叶子垂着，遮住了它的头顶。

水珠顺着叶脉滑下，在初阳里闪烁着柔和的光芒。