🌙四方月亮
傳文甲
一个日，一隻兔兒徠底攪積木，畀箇月亮望着，箇月亮忖：“許積木我也想攪。“
佢摸落一記躥，躥進隻兔兒个屋裏。
赫隻兔兒便搭箇月亮積木搭搭攪。攪攪、攪攪，箇月亮慢慢變作一箇四菱方廊个月亮。
隻兔兒講：「嗐月亮，爾怎而變四方爻咸？」
月亮講：「我照積木樣咸。」
朞啊，許小動物都趒來爻。佢侇講：「爾畀箇月亮留屋裡，我侇望箇月亮天上都望不着爻𠱤！」
整班頭人望着宿勒兔兒屋裡个月亮怎而四方个咸，搭天上个不樣兮。
熊兒講：「讓我畀箇月亮擂擂圓。」頭講爻，畀箇月亮囥地地迲擂。
赫箇月亮講：「我便不着得變圓。」
赫朞，兔兒畀許積木都囥起，一个皮球馱出。許小動物都屬隊攪箇皮球。
月亮也想攪皮球，佢照皮球向，僵地地彈記彈記，一記彈便彈轉天上迲爻。
熊兒講：「月亮僵天上多少好看咸。」
兔兒講：「正是咸，都我搭爾大綱人个月亮咸。」
傳文乙
一个日，小兔兒徠㙮’攪積木，月亮望着爻，佢忖：“我也約攪積木。”
月亮摸落一記竄，便竄進小兔兒个間裏來爻。
小兔兒便搭月亮聚隊攪積木。攪攪、攪攪，月亮慢慢而變起一個四四方方个月亮爻。
小兔兒講：“月亮爾怎兒變四方爻喈？”
月亮講：“因爲我學積木个範子啊。”
箇時候，小動物許都趒來爻。佢俚講：“爾畀月亮留屋裏，我俚天上个月亮都望不着爻來！”
可是，大綱人望着小兔兒屋裏个月亮是四方个，搭天上个不樣。
小熊講：“我來畀月亮索索圓。”講到㙮，便畀月亮囥地地擂起來。
可是，月亮講：“我便不變圓擂擂。”
箇時候，小兔兒畀積木都收起來，一個皮球擐出，小動物許開始聚隊攪皮球。
月亮也約攪皮球，佢學皮球个範子，徠地底彈記彈記，一記便彈轉天上迲爻。
小熊講：“月亮徠天上多少好望啊。”
小兔講：“正是咸，因爲箇是我搭爾大綱人个月亮。”
原文
有一天，小兔子正在玩积木，月亮看见了，它想：“我也想玩积木。”
月亮往下一跳，就跳到小兔子的家里来了。
小兔子就和月亮在一起玩积木。玩着玩着，月亮慢慢变成了一个方月亮。
小兔子说：“月亮你怎么变成方的了？”
月亮说：“因为我学了积木的样子啊。”
这时候，小动物们都来了。 它们说：“你把月亮留在家里，我们都看不到天上的月亮了！”
可是，大家看到在小兔子家里的是个方月亮，和天上那个不一样。
小熊说：“我来把月亮搓搓圆吧。”说着，就把月亮放在地上滚起来。
可是，月亮说：“我就是不变圆圈。”
这时候，小兔子把积木都收起来，拿出来一个皮球。 小动物们开始在一起玩皮球。
月亮也要玩皮球，它学着皮球的样子，在地上一弹一弹，一下子就弹回到天上去了。
小熊说：“月亮在天上多好看啊。”
小兔子说：“是啊，因为这是我们大家的月亮。”