使徒約翰個書信. 第二副.

1 Ky'ün ih-ke tseng-kyü-keh nyü-nying teh ge n-nô z-zông zeng zing-e teh siang-sing,
8 min-teh sih-gao zin-deo te-tsing-keh pao-ing:
10 feh iao teh feh ta tsing dao-li cü-ts yiu-veng.

1 勸 一個 尊貴个 女人 搭 佢 兒囡 時常 存 情愛 搭 相信，
8 免得 失爻 前頭 對證个 報應：
10 不 要 搭 不 帶 真 道理 主子 有份。

1 NGÔ tsiang-lao sia sing peh su kæn-shün-keh tseng-kyü nyü-nying teh ge-keh n-nô ngô yü tsing dao-li su e-sih; ah fi-tæn ngô, ziu-z væn-pah sih-teh tsing dao-li cü-ts tu e-sih-keh;

1 我長老寫信畀所揀選個尊貴女人搭佢個兒囡我為真道理所愛惜；阿非單我，就是凡百識得真道理主子都愛惜個；

2 ing-yü tsing dao-li zeng ze ngô-he sing-li we teh ngô-he üong-yün ze-teh:

2 因為真道理存在我許心裏會搭我許永遠在耷：

3 Dæn-nyün Vu-ts'ing Zông-ti teh Vu-ts'ing-keh N-ts Cü Yia-su Kyi-toh s tsing dao-li teh zing-e peh ng-he, peh ng-he hao teh-djôh eng-yü, z-pe, bing-ön.

3 但願父親上帝搭父親個兒子主耶穌基督賜真道理搭愛畀爾許，畀爾許好得着恩惠，慈悲，平安。

4 Ngô mông ng-keh n-nô i tsing dao-li tso nying, ziang Vu-ts'ing su feng-fu ngô-he, z ting kao-hying.

4 我望爾許兒囡依真道理做人，像父親所吩咐我許，是頂高興。

5 Ngô yin-ze feh sia sing ka-ming peh ng tseng-kyü nyü-nying, tæn-tsih kông ih-hyiang su yiu, ziu-z ngô-he iao ju-de siang-e.

5 我現在弗寫信誡命畀爾尊貴女人，但只講一向所有，就是我許要聚隊相愛。

6 Keh siang-e ziu-z i Ge ka-ming tso nying. Keh ka-ming z ng-he ih-hyiang su t'ing-ku, su i-jing.

6 箇相愛就是依佢誡命做人。箇誡命是爾許一向所聽過，所依循。

7 Ing-yü yiu hyü-to yiu-'oh cü-ts c'ih-si, feh tsiao-nying Yia-su Kyi-toh zing nyüoh-sing lôh-væn; keh z yiu-'oh cü-ts, ah z Kyi-toh-keh te-deo.

7 因為有許多誘惑主子出世，弗招認耶穌基督成肉身落凡；箇是誘惑主子，阿是基督個對頭。

8 Ng-he z-kyi iao liu-sing sang-teh zin-deo-keh lao-loh tu lôh-k'ong, hao teh-djôh jün-bi-keh sông.

8 爾許自己要留心生得前頭個勞碌都落空，好得着全備個賞。

9 Væn-pah væn-ze, feh neng z-zông pao-siu Kyi-toh kao-hyüing cü-ts z feh joh-ü Zông-ti: neng-keo z-zông pao-siu Kyi-toh kao-hyüing cü-ts z joh-ü Vu-ts'ing teh Ge N-ts.

9 凡百犯罪，弗能時常保守基督教訓主子是弗屬於上帝：能夠時常保守基督教訓主子是屬於父親搭佢兒子。

10 Ziah yiu nying tao ng su-ze le feh ta keh kao-hyüing, hyiao tsih ge tao u-li, ah hyiao ts'ing ge ön;

10 若有人到爾所在來弗帶箇教訓，𠏕接佢到屋裏，阿𠏕請佢安。

11 ziah ts'ing ge ön z yiu-veng ge-keh feh hao 'ang-yü.

11 若請佢安是有份佢個弗好行為。

12 Wæ-yiu hyü-to z-kön hao sia sing peh ng-he, feh iao yüong pih moh sia; z siang tao ng-he su-ze le te-k'eo kông, peh ng-he kw'a-lôh hao mön-coh.

12 還有許多事幹好寫信畀爾許，弗要用筆墨寫；是想到爾許所在來對口講，畀爾許快樂好滿足。

13 Bi kæn-shün-keh ts-me, ge-keh n-nô tu ts'ing ng ön. Ô-meng.

13 被揀選個姊妹，佢個兒囡都請爾安。亞門。