使徒猶大个書信

1 Ky‛ün ge dziang pao-siu tsing dao-li.
4 Kô sin-sang kô-i zih-kao, iao hong-yiu nying, yü ge feh hao ‛ang-yü yiu ting djong ying-væh teng ge:
20 dæn-z gyin-zing cü-ts k‛ao Sing-Ling pông-zu, hao kô-ts‛eo eng-yü, pao-wu ge-z, yi neng-keo kyiu bih-ke t‛eh-c‛ih hong-p‛in cü-ts-keh ky‛ün-t‛ao.

1 勸 佢 長 保守 真 道理。
4 假 先生 假意 入教，要 哄誘 人，爲 佢 不 好 行爲 有 頂 重 刑罰 等 佢：
20 但是 虔誠 主子 靠 聖靈 幫助，好 加湊 恩惠，保護 佢自，貤 能彀 救 別個 脫出 哄騙 主子个 圈套。

YIA-SU Kyi-toh-keh nu-boh, Ngô-kôh hyüong-di Yiu-da, sia sing peh dziao-le, Vu-ts‛ing Zông-ti su e-sih-keh, yü Yia-su Kyi-toh pao-yiu cü-ts:
2 Dæn-nyün z-pe, bing-ön, zing-e, kah-nga kô-ts‛eo peh ng-he.

耶穌 基督个 奴僕，雅各 兄弟 猶大，寫 信 畀 召來，父親 上帝 所 愛惜个，爲 耶穌 基督 保佑 主子：

2 但願 慈悲，平安，仁愛，格外 加湊 畀 爾許。

3 Ts‛ing-e-keh hyüong-di, ngô kyi-zin ing-gying sia sing peh ng-he, kông kyiu ngô-he cong-nying-keh eng-yü, pih iao sia liang-kyü ky‛ün ng-he iao zing-lih pao-siu jong-zin su djün-ziu sing-du-keh dao-li.
4 Ing-yü yiu kyi-ke nying kô-le zih-kao, z yü-sin ding-kyü iao ziu keh ying-væh, ge-he z feh gyin-sing, yüong ngô-he Zông-ti-keh eng-yü pin tso ying-lön z-kön, feh tsiao-nying doh-ih-yü Cü ziu-z ngô-he Cü Yia-su Kyi-toh.

3 親愛个 兄弟，我 既然 慇懃 寫 信 畀 爾許，講 救 我許 眾人个 恩惠，必 要 寫 兩句 勸 爾許 要 盡力 保守 從前 所 傳授 聖徒个 道理。

4 因爲 有 幾個 人 假來 入教，是 預先 定規 要 受 箇 刑罰，佢許 是 不 虔心，用 我許 上帝个 恩惠 變 做 淫亂 事幹，不 招認 獨一位 主 就是 我許 主 耶穌 基督。

5 Su-i yiu ih-yiang z-kön, shü-tsih ng-he yi-kying ming-bah, ngô iao tse di-sing ng-he, ziu-z Cü kyi-zin kyiu pah-sing c‛ih Yi-gyih, ts-‛eo yi we djü-mih feh siang-sing cü-ts.
6 T‛in-s feh siu-lao peng-le-keh tsih-veng, li-k‛e ge-z-keh di-bu, Cü yüong üong-yün feh dön-keh t‛ih-lin ze heh-ön ts-cong kwön-æh ge teng-tao sing-p‛ön do nyih-ts.
7 Yi ziang Su-to-mô, Ngo-mo-læh teh deo-ky‛ün kôh zing-li, ah z-t‛ih tso ying-lön z-kön, i-jong s-yüoh, ge-he ziu üong-yün ho siao-keh ying-væh z ming-ming hyin-c‛ih pông-yiang peh ngô-he.

5 所以 有 一樣 事幹，雖即 爾許 已經 明白，我 要 再 提醒 爾許，就是 主 既然 救 百姓 出 以及，之後 貤 會 除滅 不 相信 主子。

6 天使 不 守牢 本來个 職份，離開 佢自个 地步，主 用 永遠 不 斷个 鐵鏈 在 黑暗 之中 管押 佢 等到 審判 大 日子。

7 貤 像 所多馬，蛾摩拉 搭 頭圈 各 城裏，也 是僣 做 淫亂 事幹，依從 私慾，佢許 受 永遠 火 燒个 刑罰 是 明明 顯出 榜樣 畀 我許。

8 Keh-sih nying ziang tso mong, nyin we-u ge-keh kyi-sing, ky‛ing-mæn yiu gyün-ping, sih-doh yiu yüong-wa cü-ts.
9 Dæn-z ting do t‛in-s Mi-kô-leh teh mo-kyü ze-teh nyi-leng Mo-si-keh s-siu, ah feh kön yüong tsiu-mô shih-wa tsah-bi ge, tsih kông, “Dæn-nyün Cü tsah-væh ng.”
10 Dæn-z ge-he hyü-pông ge su feh hyiao-teh z-kön: ziu-z ge sang-zing ziang m li-sing-keh cong-sang, su hyiao-teh z-kön, lin keh z-kön tu we z wa-gao z.
11 Ge-he yiu ‛o-tse, ing-yü z tseo Ke-ing-keh lu, yü t‛ön-ze ‛ôh Pô-læn-keh wang-li, ziu mih-vông ze Ko-læh-keh ts‛ao-lön.

8 箇些 人 像 做 夢，{?然} 穢污 佢个 己身，輕慢 有 權柄，褻瀆 有 榮華 主子。

9 但是 頂 大 天使 米加勒 搭 魔鬼 在𡍲 議論 摩西个 屍首，也 不 敢 用 咒罵 說話 責備 佢，只 講，“但願 主 責罰 爾。”

10 但是 佢許 毀謗 佢 所 不 曉得 事幹：就是 佢 生成 像 無 理性个 眾生，所 曉得 事幹，連 箇 事幹 都 會 自 壞爻 自。

11 佢許 有 禍災，因爲 是 走 該隱个 路，爲 貪財 學 巴蘭个 橫理，就 滅亡 在 哥拉个 譟亂。

12 Keh-sih nying ‛ao-vu kyü-gyi teh ng-he tso-côh ky‛üoh-væn, tsih kwön pao z-kyi k‛eo-foh, keh z ng-he zing-e tsiu-yin-keh u-tin; ge ziang m yü-keh yüing bi fong p‛iao-dong; ts‛iu-t‛in m-yih feh kyih-ko-keh jü, s-ku yi s, lin keng-deo tu bæh-gao;
13 he-li hyüong-mang-keh po-lông hyin-c‛ih ge-z-keh tao-me; liu-gao-keh sing-siu, yiu üong-yün heh-ön-keh su-ze teng ge.
14 Ô-tông di-ts‛ih de-keh seng Yi-nôh yü-sin ts-tin keh-yiang-ts nying, kông,
15 “Cü teh Ge vu-ts‛in-da-mæn-keh sing-du ziu we le sing-p‛ön cong-nying, peh feh gyin-sing-keh ze-nying su tso ih-ts‛ih feh gyin-sing z-kön, teh ge su kông ih-ts‛ih hyü-pông Cü-keh ôh wa tsah-væh væn-pah feh gyin-sing cü-ts.”
16 Ge-he z-kyi feh ts-coh, tsih ün-‛eng, ‛eo z-keh s-yüoh, (mön-k‛eo kông do wa), yü li-sih tseng-djong nying-keh nga-mao.

12 箇些 人 毫無 拘忌 搭 爾許 佐桌 喫飯，只 管 飽 自己 口腹，箇 是 爾許 仁愛 酒筵个 污點；佢 像 無 雨个 雲 被 風 飄動；秋天 無葉 不 結果个 樹，死過 貤 死，連 根頭 都 拔爻；

13 海裏 兇猛个 波浪 顯出 佢自个 倒楣；流爻个 星宿，有 永遠 黑暗个 所在 等 佢。

14 亞當 第七 代个 孫 以諾 預先 指點 箇樣子 人，講，

15 “主 搭 佢 無千大萬个 聖徒 就 會 來 審判 眾人，畀 不 虔心个 罪人 所 做 一切 不 虔心 事幹，搭 佢 所 講 一切 毀謗 主个 惡 話 責罰 凡百 不 虔心 主子。”

16 佢許 自己 不 知足，只 怨恨，候 自个 私慾，（滿口 講 大 話），爲 利息 尊重 人个 外貌。

17 Dæn-z ng-he ts‛ing-e-keh hyüong-di, iao kyi-nyin ngô-he Cü Yia-su Kyi-toh-keh s-du yü-sin su kông; ge-he teh ng kông,
18 Meh-de z-si pih yiu ky‛ing-cü cü-ts c‛ih-le ‛eo z-kyi feh gyin-sing-keh s-yüoh.
19 Ge-he tsih-yiu s-yüoh m-yiu ling, su-i iao teh kong-we feng-k‛e.
20 Dæn-z ng-he ts‛ing-e-keh hyüong-di, yüong ng-he su siang-sing-keh sing-zin dao-li, zing-ziu z-keh teh-‛ang, k‛ao-djôh Sing-Ling tao-kao;
21 zeng e-kying Zông-ti-keh sing, yi sô-mông ngô-he Cü Yia-su Kyi-toh-keh z-pe hao teh-djôh üong-yün weh-ming.
22 Tsih-z gyi-cong iao feng-pih, yiu-sih iao e-lin ge;
23 yiu-sih ziang jong ho-li bæh ge c‛ih, zeng p‛ô-gyü-keh sing kyiu ge, bi s-yüoh tang tsih-le-keh i-zông tu iao k‛o-u ge.
24 Yin-ze keh-yü neng-keo pao-wu ng-he fe pæn-tih, peh ng-he m p‛i-bing hao kw‛a-weh gyi ze Ge-z yüong-wa-keh min-zin Cü-ts, —
25 ziu-z keh doh-ih-yü Zông-ti ngô-he-keh Kyiu-cü, — Dæn-nyün yüong-wa, yü-nyin, neng-kön, gyün-ping, jong ngô-he Cü Yia-su Kyi-toh, kyü peh Ge jong-kying-yi-‛eo tao si-si-de-de. Ô-meng.

17 但是 爾許 親愛个 兄弟，要 記念 我許 主 耶穌 基督个 使徒 預先 所 講；佢許 搭 爾 講，

18 末代 時世 必 有 輕嘴 主子 出來 候 自己 不 虔心个 私慾。

19 佢許 只有 私慾 無有 靈，所以 要 搭 公會 分開。

20 但是 爾許 親愛个 兄弟，用 爾許 所 相信个 聖善 道理，成就 自个 德行，靠着 聖靈 禱告；

21 存 愛敬 上帝个 心，貤 奢望 我許 主 耶穌 基督个 慈悲 好 得着 永遠 活命。

22 只是 其中 要 分別，有些 要 哀憐 佢；

23 有些 像 從 火裏 拔 佢 出，存 怕懼个 心 救 佢，被 私慾 打 跡癗个 衣裳 都 要 可惡 佢。

24 現在 箇位 能彀 保護 爾許 𣍐 𥾵跌，畀 爾許 無 批評 好 快活 徛 在 佢自 榮華个 面前 主子，——

25 就是 箇 獨一位 上帝 我許个 救主，——但願 榮華，威嚴，能幹，權柄，從 我許 主 耶穌 基督，歸 畀 佢 從今以後 到 世世代代。亞門。