====== S-DU IAH-'ÖN-KEH SHÜ-SING. DI-SÆN-FU. ======
使徒約翰個書信. 第三副.

===== 3 I'ö. =====

<code>
1 Ts'ing-tsæn Kô-yiu yü ge-keh gyin-zing,
5 teh k'ön-de hyüong-di,
7 yü pông-zu Cü-keh ming-deo c'ih-meng cü-ts:
9 p'i-bing Tiu-deh-fi:
12 ts'ing-tsæn Ti-mi-tiu.

1 稱讚 加猶 爲 佢个 虔誠，
5 搭 看待 兄弟，
7 爲 幫助 主个 名頭 出門 主子：
9 批評 丟特菲：
12 稱讚 低米丟。
</code>

> 1 NGÔ tsiang-lao sia sing peh ts'ing-e-keh kô-yiu, z ngô yü tsing dao-li su e-sih-keh.
1 我長老寫信畀親愛個加猶，是我為真道理所愛惜個。

> 2 Ts'ing-e-keh hyüong-di, ngô dæn-nyün ng jing-liu sing-t'i k'ông-gyin, ziang ng ling-weng z jing-liu.
2 親愛個兄弟，我但願爾順溜身體康健，像爾靈魂是順溜。

> 3 Keh-sih hyüong-di le te-tsing ng z siang-sing tsing dao-li, i-jong ge tso nying ngô z ting kao-hying.
3 箇些兄弟來對證爾是相信真道理，依從佢做人我是頂高興。

> 4 Ngô t'ing-djôh ngô-keh n-nô i-jing tsing dao-li tse m-yiu t'ih do kw'a-lôh.
4 我聽着我個兒囡依從真道理再無有僣大快樂。

> 5 Ts'ing-e-keh hyüong-di, ng væn-pah k'ön-de cong hyüong-di teh c'ih-meng nying z tso ting hao;
5 親愛個兄弟，爾凡百看待眾兄弟搭出門人是做頂好。

> 6 ge-he tu te-tsing ng-keh zing-e ze kao-we min-zin; ng ziah i Zông-ti-keh dao-li song ge-he k'e lao-zih z hao:
6 佢許都對證爾個情愛在教會面前；爾若依上帝個道理送佢許去老實是好：

> 7 ing-yü ge-he z yü Cü-keh ming-deo c'ih-meng, feh do bih-koh nying-keh meh-z.
7 因為佢許是為主個名頭出門，弗馱別家人個物事。

> 8 Keh-yiang-ts nying ngô-he ing-ke siu-liu ge, hao jü-de pông-zu tsing dao-li.
8 箇樣子人我許應該收留佢，好聚隊幫助真道理。

> 9 Ngô yi-kying sia sing peh kao-we; tsih-z siang tso ge-he deo-nao-keh Tiu-deh-fi feh k'eng tsih-ziu ngô-he.
9 我已經寫信畀教會；只是想做佢許頭腦個丟特菲弗肯接受我許。

> 10 Su-i ngô ziah-z le, pih-ding kyi-teh ge su tso-keh 'ang-yü, z yüong ôh-wa sih-doh ngô-he; wæ feh keo, ge-z feh k'eng siu-liu Cü-ts, iao kön ge c'ih kao-we.
10 所以我若是來，必定記得佢所做個行為，是用惡話褻瀆我許；還弗夠，佢自弗肯收留主子，要趕佢出教會。

> 11 Ts'ing-e-keh hyüong-di, hyiao 'ôh feh hao yiang, z iao 'ôh hô-keh yiang. Tso hao Cü-ts z c'ih-ü Zông-ti; tso feh hao Cü-ts z vong mông-djôh Zông-ti ku.
11 親愛個兄弟，學弗好樣，而要學好個樣。做好主子是出於上帝；做弗好主子是朆望着上帝過。

> 12 Ti-mi-tiu-keh 'ang-yü cong-nying tu te-tsing ge, tsing dao-li ah te-tsing ge; ngô-he yi te-tsing ge, ng-he hyiao-teh ngô-he-keh te-tsing z tsing-keh.
12 低米丟個行為眾人都對證佢，真道理阿對證佢；我許咦對證佢，爾許曉得我許個對證是真個。

> 13 Wæ-yiu hyü-to z-kön hao sia, tsih-z feh iao yüong pih moh sia peh ng-he;
13 還有許多事幹好寫，只是弗要用筆墨寫畀爾許。

> 14 ngo siang kw'a le kyin ng-he te-k'eo kông. Dæn-nyün ng bing-ön. Keh-sih bong-yiu tu t'ao-sing ng. Ts'ing ng de ngô t'ao-sing ke-ke bong-yiu.
14 我想快來見爾許對口講。但願爾平安。箇些朋友都討信爾。請爾代我討信個個朋友。