====== S-DU PAO-LO SIA PEH FI-LIH-PI NYING KEH SHÜ-SING. ======
使徒保羅寫畀非立比人个書信
===== Fl. 1. =====
第一章.
1 Pao-lo kön-zia Zông-ti, yü ge-he teh ge ze k‛u-næn ts-cong jü-de yiu-veng,
9 me-nyih gyiu Zông-ti kô eng-yü peh ge-he;
12 yü ge ze Lo-mô su p‛ong-djôh-keh wæn-næn, foh-ing yiu dao-dzing,
21 wæ-z s weh, ge z sing-nyün kyü yüong-wa peh Zông-ti,
27 ky‛ün ge dong-sing-yih-lih tso z-kön,
28 tsao-næn feh iao hôh.
1 保羅 感謝 上帝，爲 佢許 搭 佢 在 苦難 之中 聚隊 有份，
9 每日 求 上帝 加 恩惠 畀 佢許；
12 爲 佢 在 羅馬 所 碰着个 患難，福音 有 道程，
21 還是 死 活，佢 是 心願 歸 榮華 畀 上帝，
27 勸 佢 同心協力 做 事幹，
28 遭難 不 要 𢞕。
> YIA-SU Kyi-toh-keh nu-boh, Pao-lo teh Di-mo-t‛a, t‛ao-sing Fi-lih-pi ze-ü Kyi-toh Yia-su-keh cong sing-du, lin cong kæn-toh teh bæn-z-nying:
> 2 Dæn-nyün Zông-ti ngô-he Vu-ts‛ing, teh Cü Yia-su Kyi-toh, s-lôh eng-yü bing-ön peh ng-he.
耶穌 基督个 奴僕，保羅 搭 提摩太，討信 非立比 在於 基督 耶穌个 眾 聖徒，連 眾 監督 搭 辦事人：
2 但願 上帝 我許 父親，搭 主 耶穌 基督，賜落 恩惠 平安 畀 爾許。
> 3 NGÔ kyi-nyin ng-he z-‛eo ziu z-zông kön-zia ngô-keh Zông-ti,
> 4 tao-kao z-‛eo z-zông kao-hying de ng-he cong-nying gyiu,
> 5 yü ng-he jong deo-ih-nyih ih-dzih tao yin-ze teh djün foh-ing z-kön jü-de yiu-veng;
> 6 ing-yü ngô k‛ôh-zih siang-sing, keh-yü ze ng-he sing li-min yiu ih-yiang hao z-kön tso ky‛i-deo Cü-ts ih-dzih tao Yia-su Kyi-toh-keh nyih-ts pih-ding we zing-kong:
> 7 ngô ah ing-ke yü ng-he cong-nying t‛ih ts‛eng; ing-yü ng-he dziang ze ngô sing-li, feh-leng ngô bi t‛ih-lin so-lao, feh-leng bin-leng tsæh-zih foh-ing, tu teh ngô dong hyiang keh eng-yü.
> 8 Zông-ti hao teh ngô tso te-tsing, ngô ze-ü Yia-su Kyi-toh-keh sing-dziang tsa-sang feh hyih s-nyin ng-he cong-nying.
3 我 記念 爾許 時候 就 時常 感謝 我个 上帝，
4 禱告 時候 時常 高興 代 爾許 眾人 求，
5 爲 爾許 從 頭一日 一直 到 現在 搭 傳 福音 事幹 聚隊 有份；
6 因爲 我 確實 相信，箇位 在 爾許 心 裏面 有 一樣 好 事幹 做 起頭 主子 一直 到 耶穌 基督个 日子 必定 會 成功：
7 我 也 應該 爲 爾許 眾人 僣 忖；因爲 爾許 長 在 我 心裏，不論 我 被 鐵鏈 鎖牢，不論 辯論 紮實 福音，都 搭 我 同 享 箇 恩惠。
8 上帝 好 搭 我 做 對證，我 在於 耶穌 基督个 心腸 怎生 不 歇 思念 爾許 眾人。
> 9 Ngô su gyiu, z iao ng-he-keh zing-e yüih-fæh to-ky‛i-le, yiu ts-yü teh ih-ts‛ih ts-sih;
> 10 peh ng-he we bin-pih hao t‛eng; yi we tso nying ts‛ing-kyih m-u-tin tao Kyi-toh-keh nyih-ts;
> 11 yiu k‛ao-djôh Yia-su Kyi-toh le kong-nyi-keh ko-ts we kyih meo-zing, hao kyü yüong-wa tsæn-mi peh Zông-ti.
9 我 所 求，是 要 爾許个 仁愛 越發 多起來，有 智慧 搭 一切 知識；
10 畀 爾許 會 辨別 好 䮴；貤 會 做 人 清潔 無污點 到 基督个 日子；
11 {?又} 靠着 耶穌 基督 來 公義个 果子 會 結 茂盛，好 歸 榮華 讚美 畀 上帝。
> 12 HYÜONG-DI, ngô iao ng-he hyiao-teh ngô su p‛ong-djôh-keh z-kön fæn-cün peh foh-ing kah-nga hying-wông;
> 13 peh ngô-keh t‛ih-lin ze-ü Kyi-toh yi-kying hyin-ming peh mön dziao-ding teh gyi-yü cong-nying tu hyiao-teh;
> 14 wæ-yiu keh-sih hyüong-di yiu ih-do-pön, yü ngô t‛ih-lin ze-ü Cü sing-li kyin-ku, we kah-nga fông-tæn kông dao-li, fe p‛ô-gyü.
12 兄弟，我 要 爾許 曉得 我 所 碰着个 事幹 反轉 畀 福音 格外 興旺；
13 畀 我个 鐵鏈 在於 基督 已經 顯明 畀 滿 朝廷 搭 其餘 眾人 都 曉得；
14 還有 箇些 兄弟 有 一大半，爲 我 鐵鏈 在於 主 心裏 堅固，會 格外 放膽 講 道理，𣍐 怕懼。
> 15 Yiu-sih djün Kyi-toh, z yiu tu-gyi tsang-teo-keh sing; yiu-sih z yiu hao i-s:
> 16 kyih-tông djün Kyi-toh cü-ts, bing-fi yiu zing-zih-keh i-s, z iao kô-ts‛eo ngô t‛ih-lin-keh k‛u-næn:
> 17 keh-sih c‛ih-ü zing-e, hyiao-teh ngô z yü bin-leng foh-ing sih-lih.
> 18 Keh z tsa-sang? feh-leng zao væn-ts, wæ-z tsing-sing kô-i, yiu Kyi-toh djün-k‛e; ngô ziu kao-hying, ah tao kyiah we kao-hying.
> 19 Ing-yü ngô hyiao-teh, yü ng-he-keh tao-kao teh Yia-su Kyi-toh-keh Sing-Ling pông-zu ngô, keh z-kön ‛eo-le yü ngô yiu kyiu-sing,
> 20 tsiao ngô kön-sing su s-ts‛eng su sô-mông, ziu-z ngô fe ‛ôh-nying-siang, ziang su-zông we fông-tæn, feh-leng weh, feh-leng s, Kyi-toh ze ngô sing-zông ning-gyiu we teh-djôh tseng-kying.
15 有些 傳 基督，是 有 妒忌 爭鬥个 心；有些 是 有 好 意思：
16 結黨 傳 基督 主子，並非 有 誠實个 意思，是 要 加湊 我 鐵鏈个 苦難：
17 箇些 出於 仁愛，曉得 我 是 爲 辯論 福音 設立。
18 箇 是 怎生？不論 倽 範子，還是 真心 假意，有 基督 傳開；我 就 高興，也 到 腳 會 高興。
19 因爲 我 曉得，爲 爾許个 禱告 搭 耶穌 基督个 聖靈 幫助 我，箇 事幹 後來 爲 我 有 救星，
20 照 我 甘心 所 思忖 所 奢望，就是 我 𣍐 下人相，像 素常 會 放膽，不論 活，不論 死，基督 在 我 身上 仍舊 會 得着 尊敬。
> 21 Ing-yü ngô weh z yü Kyi-toh, s z yiu hao-c‛ü.
> 22 Ziah-z ze nyüoh-sing weh ngô kong-fu yiu dao-dzing, tsih-z ngô feh hyiao-teh kæn nô ih-yiang.
> 23 Ngô sing-kwa-liang-dziang, sing-siang iao ky‛ü-si, hao teh Kyi-toh jü-de; keh z kah-nga hao:
> 24 dæn-z ngô wæ ze nyüoh-sing, yü ng-he kah-nga iao-kying.
> 25 Keh kyi-zin z ngô toh-zih siang-sing, ngô hyiao-teh tsong we ze-teh teh ng-he cong-nying jü-de, hao peh ng-he siang-sing-keh sing kah-nga kô-zông, kô-ts‛eo kw‛a-lôh;
> 26 peh ngô tse tao ng-he su-ze ng-he hao ze-ü Kyi-toh Yia-su kah-nga kao-hying.
21 因爲 我 活 是 爲 基督，死 是 有 好處。
22 若是 在 肉身 活 我 工夫 有 道程，只是 我 不 曉得 揀 哪 一樣。
23 我 心掛兩腸，心想 要 去世，好 搭 基督 聚隊；箇 是 格外 好：
24 但是 我 還 在 肉身，爲 爾許 格外 要緊。
25 箇 既然 是 我 篤實 相信，我 曉得 總 會 在𡍲 搭 爾許 眾人 聚隊，好 畀 爾許 相信个 心 格外 加上，加湊 快樂；
26 畀 我 再 到 爾許 所在 爾許 好 在於 基督 耶穌 格外 高興。
> 27 TSIH iao ng-he-keh ‛ang-yü teh Kyi-toh-keh foh-ing siang-‛eh: peh ngô ‛oh le mông ng-he, ‛oh ze bih-c‛ü t‛ing-djôh ng-he-keh fong-sing, z yiu ih-sing-ih-i gyi-lao, yü su siang-sing-keh foh-ing dong-sing-yih-lih tso z-kön;
> 28 hyiao yü keh-sih dziu-dih sing-li kying-hôh: keh z ge-he iao mih-vông, ng-he iao teh kyiu, keh hyin-ming-keh bing-kyü ah z c‛ih-ü Zông-ti:
> 29 ing-yü ng-he yi-kying teh-djôh keh eng-yü, hao yü Kyi-toh fi-tæn siang-sing Ge, ah hao yü Ge ziu næn:
> 30 yin-ze ng-he ah yiu tsang-teo, ziang ng yi-zin mông-djôh ngô, yin-ze t‛ing-djôh ngô ih-yiang.
27 只 要 爾許个 行爲 搭 基督个 福音 相合：畀 我 或 來 望 爾許，或 在 別處 聽着 爾許个 風聲，是 有 一心一意 徛牢，爲 所 相信个 福音 同心協力 做 事幹；
28 𠏕 爲 箇些 讎敵 心裏 驚𢞕：箇 是 佢許 要 滅亡，爾許 要 得 救，箇 顯明个 凭據 也 是 出於 上帝：
29 因爲 爾許 已經 得着 箇 恩惠，好 爲 基督 非單 相信 佢，也 好 爲 佢 受 難：
30 現在 爾許 也 有 爭鬥，像 爾 以前 望着 我，現在 聽着 我 一樣。
===== Fl. 2. =====
第二章.
1 Ky‛ün ge dong-sing-‛eh-i, yüong Kyi-toh-keh pông-yiang ky‛ün ge zeng ti-vi-keh sing:
12 ky‛ün ge liu-sing tso nying, hao tso si-zông-keh liang-kwông,
16 iao ön-yü ge-he-keh s-du, ing-yü ge z yü-bi peh ge hyüih tông tsi-veh hyin peh Zông-ti.
19 Ge sô-mông ts‛a Di-mô-t‛a,
25 ts‛ing-tsæn Yi-pô-feh-di, kw‛a iao ts‛a ge tao Fi-lih-pi.
1 勸 佢 同心合意，用 基督个 榜樣 勸 佢 存 低微个 心：
12 勸 佢 留心 做 人，好 做 世上个 亮光，
16 要 安慰 佢許个 使徒，因爲 佢 是 預備 畀 佢 血 當 祭物 獻 畀 上帝。
19 佢 奢望 差 提摩太，
25 稱讚 以巴弗提，快 要 差 佢 到 非立比。
> Su-i ze-ü Kyi-toh ziah yiu ky‛ün-hwa, yiu zing-e-keh ön-yü, yiu Sing-Ling-keh siang-t‛ong, yiu z-pe e-lin-keh sing-dziang,
> 2 ng-he hao zeng tso-yiang sing-i, tso-yiang zing-e, dong-sing-‛eh-i, peh ngô-keh kw‛a-lôh hao mön-coh:
> 3 hyiao zeng tsang-teo-keh sing, siang hyü-hwa yüong-wa; z iao ti-sing-siao-i jü-de t‛e-tseng bih-ke hao-jü z-kyi;
> 4 hyiao kôh-nying tæn kwön z-kyi z-kön, kôh-nying iao ku-djôh bih-ke z-kön.
所以 在於 基督 若 有 勸化，有 仁愛个 安慰，有 聖靈个 相通，有 慈悲 哀憐个 心腸，
2 爾許 好 存 佐樣 心意，佐樣 仁愛，同心合意，畀 我个 快樂 好 滿足：
3 𠏕 存 爭鬥个 心，想 虛花 榮華；是 要 低心小意 聚隊 推尊 別個 好如 自己；
4 𠏕 各人 單 管 自己 事幹，各人 要 顧着 別個 事幹。
> 5 Ng-he sing-li iao zeng Kyi-toh Yia-su-keh sing-i:
> 6 Ge peng-le yiu Zông-ti-keh ying-ziang, ziu-z teh Zông-ti ih-yiang Ge ah feh sön ku-veng,
> 7 dæn-z we hyih-gao Z-keh yüong-wa, zing nu-boh-keh væn-ts le tso nying:
> 8 kyi-zin yiu nying-keh væn-ts, yi we Z-kyi ti-vi i-jing zing-ts-ü s, ping-ts‛ia s ze zih-z-kô-zông.
> 9 Su-i Zông-ti kyü Ge zông ting kao, peh Ge-keh ming-deo ku-yü væn-pah ming-deo;
> 10 peh ze t‛in-zông di-zông lin di-ti-‛ô-keh, væn-pah kyiah-kw‛e-deo tu we ze-ü Yia-su-keh ming-deo gyü-lôh,
> 11 væn-pah k‛eo-zih tu we tsiao-nying Yia-su Kyi-toh z Cü, kyü yüong-wa peh Vu-ts‛ing Zông-ti.
5 爾許 心裏 要 存 基督 耶穌个 心意：
6 佢 本來 有 上帝个 形象，就是 搭 上帝 一樣 佢 也 不 算 過份，
7 但是 會 歇爻 自个 榮華，成 奴僕个 範子 來 做 人：
8 既然 有 人个 範子，貤 會 自己 低微 依順 甚至於 死，并且 死 在 十字架上。
9 所以 上帝 舉 佢 上 頂 高，畀 佢个 名頭 過于 凡百 名頭；
10 畀 在 天上 地上 連 地底下个，凡百 腳髁頭 都 會 在於 耶穌个 名頭 跪落，
11 凡百 口舌 都 會 招認 耶穌 基督 是 主，歸 榮華 畀 父親 上帝。
> 12 Su-i, ngô ts‛ing-e hyüong-di, ng-he kyi-zin we z-zông i-jing, fi-tæn ngô ze-teh z-‛eo, ziu-z yin-ze ngô vong ze-teh ah iao kah-nga zeng kying-zing p‛ô-gyü-keh sing tso-zing ng-keh kyiu-fæh;
> 13 ing-yü ng-he siang tso, ‛oh neng-keo tso, tu z Zông-ti ze ng-he sing-li tso, iao zing-ziu Ge su cong-i-keh ts-i.
> 14 Ng-he tso væn-pah z-kön hyiao ma-ün, hyiao tsang-leng;
> 15 peh ng-he ze keh zia-ôh be-nyih-keh si-de tso ts‛ing-kyih, m-mao-bing, Zông-ti m-p‛i-bing-keh n-nô; ng-he hyin-c‛ih weh-ming-keh dao-li, ziang si-zông liang-kwông tsiao-djôh ge-he:
> 16 peh ngô tao Kyi-toh-keh nyih-ts hao la-t‛in, ing-yü ngô vong tseo k‛ong-kyiah, kong-fu ah vong lôh-k‛ong.
12 所以，我 親愛 兄弟，爾許 既然 會 時常 依順，非單 我 在𡍲 時候，就是 現在 我 朆 在𡍲 也 要 格外 存 謹慎 怕懼个 心 做成 爾个 救法；
13 因爲 爾許 想 做，或 能彀 做，都 是 上帝 在 爾許 心裏 做，要 成就 佢 所 中意个 旨意。
14 爾許 做 凡百 事幹 𠏕 埋怨，𠏕 爭論；
15 畀 爾許 在 箇 邪惡 悖逆个 世代 做 清潔，無毛病，上帝 無批評个 兒囡；爾許 顯出 活命个 道理，像 世上 亮光 照着 佢許：
16 畀 我 到 基督个 日子 好 賴天，因爲 我 朆 走 空腳，工夫 也 朆 落空。
> 17 Ng-he siang-sing-keh sing tông tsi-veh vong-z Zông-ti, ngô-keh hyüih ziu-z iao liu-c‛ih, ziang tao ze ge zông-min, ngô z hwön-hyi, ah teh ng-he cong-nying jü-de hwön-hyi:
> 18 yü keh z-kön ng-he ah ing-ke hwön-hyi, ah ing-ke teh ngô jü-de hwön-hyi.
17 爾許 相信个 心 當 祭物 奉事 上帝，我个 血 就是 要 流出，像 倒 在 佢 上面，我 是 歡喜，也 搭 爾許 眾人 聚隊 歡喜：
18 爲 箇 事幹 爾許 也 應該 歡喜，也 應該 搭 我 聚隊 歡喜。
> 19 DÆN-Z ngô ze-ü Cü Yia-su sô-mông kw‛a ts‛a Di-mo-t‛a tao ng-he su-ze le, peh ngô hyiao-teh ng-he-keh z-kön sing-li ziu ön-weng.
> 20 Ing-yü djü ge ts-nga ngô m-yiu dong-sing-keh nying, we tsing-sing kwa-nyin ng-he-keh z-kön.
> 21 Ing-yü ge tu wa-sön z-keh z-kön, feh kwön Kyi-toh Yia-su z-kön.
> 22 Ng-he hyiao-teh ge z s-lin-ku, ziang n-ts voh-z pang, teh ngô jü-de djün foh-ing.
> 23 Su-i ngô hyiao-teh z-keh z-kön z tsa-sang, siang lih-k‛eh ts‛a ge le:
> 24 dæn-z ngô ze-ü Cü siang-sing ngô-z ah kw‛a iao le.
19 但是 我 在於 主 耶穌 奢望 快 差 提摩太 到 爾許 所在 來，畀 我 曉得 爾許个 事幹 心裏 就 安穩。
20 因爲 除 佢 之外 我 無有 同心个 人，會 真心 掛念 爾許个 事幹。
21 因爲 佢 都 畫算 自个 事幹，不 管 基督 耶穌 事幹。
22 爾許 曉得 佢 是 試煉過，像 兒子 服事 伯‛，搭 我 聚隊 傳 福音。
23 所以 我 曉得 自个 事幹 是 怎生，想 立刻 差 佢 來：
24 但是 我 在於 主 相信 我自 也 快 要 來。
> 25 Ngô ts‛eng pih iao ts‛a Yi-pô-feh-di tao ng su-ze le, ge z ngô hyüong-di, teh pông-siu, dong-de tông-ping, ah tso ng-he-keh ts‛a-s kyüong-ing ngô ky‛üih-siao;
> 26 ngô su-i ts‛a ge, ing-yü ge z ts‛ih-sing s-nyin ng-he cong-nying, ting iu-zeo, yü ng-he t‛ing-djôh ge yiu bing:
> 27 ge lao-zih sang bing, tsang-ting s-gao: tsih-z Zông-ti e-lin ge; fi-tæn ge, ah e-lin ngô, sang-teh ngô zeo-zông kô zeo.
> 28 Ngô su-i kah-nga kön-kying ts‛a ge le, peh ng-he tse mông-djôh ge yi we kao-hying, ngô-keh iu-zeo ah we siao-ting.
> 29 Su-i, ng-he ze-ü Cü ing-ke kao-hying tsih-ziu ge; ping-ts‛ia yüong kying-djong keh-yiang-ts nying:
> 30 ing-yü ge yü tso Kyi-toh z-kön tsang-ting s, lin z-keh sing-ming tu feh kwön, iao pu-coh ng-he kyüong-ing ngô-keh ky‛üih-siao.
25 我 忖 必 要 差 以巴弗提 到 爾 所在 來，佢 是 我 兄弟，搭 幫手，同隊 當兵，也 做 爾許个 差使 供應 我 缺少；
26 我 所以 差 佢，因爲 佢 是 切心 思念 爾許 眾人，頂 憂愁，爲 爾許 聽着 佢 有 病：
27 佢 老實 生 病，爭點 死爻：只是 上帝 哀憐 佢；非單 佢，也 哀憐 我，省得 我 愁上 加 愁。
28 我 所以 格外 趕緊 差 佢 來，畀 爾許 再 望着 佢 貤 會 高興，我个 憂愁 也 會 少點。
29 所以，爾許 在於 主 應該 高興 接受 佢；并且 用 敬重 箇樣子 人：
30 因爲 佢 爲 做 基督 事幹 爭點 死，連 自个 性命 都 不 管，要 補足 爾許 供應 我个 缺少。
===== Fl. 3. =====
第三章.
1 Ky‛ün ge vông-bi tsiu-keh-li-keh kô sin-sang,
4 kông ge-he ziah hao k‛ao-djôh leh-fæh-keh kong-nyi, ge-z kah-nga hao tso:
7 dæn-z ge sön tu z zih-peng, z leh-seh, yü sih-teh Kyi-toh,
12 Kông ge-z feh-z jün-bi.
15 Ky‛ün ge zeng keh sing-i,
17 ‛ôh ge yiang,
20 iao liu-sing tso nying, ing-yü ge-he-keh peng-koh ze t‛in-zông.
1 勸 佢 防備 週割禮个 假 先生，
4 講 佢許 若 好 靠着 律法个 公義，佢自 格外 好 做：
7 但是 佢 算 都 是 折本，是 垃圾，爲 識得 基督，
12 講 佢自 不是 全備。
15 勸 佢 存 箇 心意，
17 學 佢 樣，
20 要 留心 做 人，因爲 佢許个 本國 在 天上。
> TSONG-Z-NYIN-TS, ngô hyüong-di, ng-he ze-ü Cü yüong kw‛a-lôh. Ngô sia tso-yiang shih-wa peh ng-he, yü ngô m-kao in-væn, yü ng-he z weng-tông.
> 2 Yüong vông-bi ôh-keo, vông-bi tso fi-li z-kön, vông-bi keh-gao bi-nyüoh cü-ts:
> 3 ing-yü ngô-he k‛ao Sing-Ling voh-z Zông-ti, ze-ü Kyi-toh Yia-su la-t‛in, feh k‛ao nyüoh-sing, tsing-z ziu tsiu-keh-li cü-ts.
總而言之，我 兄弟，爾許 在於 主 用 快樂。我 寫 佐樣 說話 畀 爾許，于 我 無較 厭煩，于 爾許 是 穩當。
2 用 防備 惡狗，防備 做 非禮 事幹，防備 割爻 皮肉 主子：
3 因爲 我許 靠 聖靈 服事 上帝，在於 基督 耶穌 賴天，不 靠 肉身，真是 受 週割禮 主子。
> 4 Ngô feh-zin hao k‛ao-djôh nyüoh-sing: ziah-z bih-ke ts‛eng k‛o-i k‛ao nyüoh-sing, ngô z kah-nga k‛o-i:
> 5 ngô di-pæh nyih ziu tsiu-keh-li, z Yi-seh-lih-keh zoh-veng, Bin-ngô-ming-keh ts-p‛a, c‛ih-ü Hyi-pah-le nying-keh Hyi-pah-le nying; kông-tao leh-fæh, z Fæh-li-se nying;
> 6 kông-tao nyih-sing, z pih-næn kao-we; kông-tao leh-fæh-keh kong-nyi, m-kao hao p‛i-bing.
> 7 Dæn-z keh-sih z-kön yi-zin ngô sön dzæn-deo, ngô yü Kyi-toh yi-kying sön ge zih-peng.
> 8 Hyüông-ts‛ia ih-ts‛ih z-kön ngô tu sön zih-peng, yü sih-teh Kyi-toh Yia-su ngô-keh Cü, keh ting iao-kying-keh ts-sih: ngô yü Kyi-toh yi-kying zih-gao væn-pah z-kön, ah peh ge mông ziang leh-seh, peh ngô hao dzæn-tsing Kyi-toh,
> 9 yi hao peh ngô sön ze-ü Ge, feh-z yiu jong leh-fæh le ngô-z-keh kong-nyi, z yü siang-sing Kyi-toh le-keh kong-nyi, z jong Zông-ti le, yü siang-sing teh-djôh:
> 10 peh ngô hao hyiao-teh Ge, teh Ge weh-cün-le-keh neng-kön, yi hao teh Ge k‛u-næn jü-de yiu-veng, teh Ge s-fæh tso-yiang;
> 11 ‛oh-tsia hao kön-tao s-nying tse-weh.
4 我 不然 好 靠着 肉身：若是 別個 忖 可以 靠 肉身，我 是 格外 可以：
5 我 第八 日 受 週割禮，是 以色列个 族份，便雅憫个 支派，出於 希伯來 人个 希伯來 人；講到 律法，是 法利賽 人；
6 講到 熱心，是 逼難 教會；講到 律法个 公義，無較 好 批評。
7 但是 箇些 事幹 以前 我 算 賺頭，我 爲 基督 已經 算 佢 折本。
8 況且 一切 事幹 我 都 算 折本，爲 識得 基督 耶穌 我个 主，箇 頂 要緊个 知識：我 爲 基督 已經 折爻 凡百 事幹，也 畀 佢 望 像 垃圾，畀 我 好 賺進 基督，
9 貤 好 畀 我 算 在於 佢，不是 有 從 律法 來 我自个 公義，是 爲 相信 基督 來个 公義，是 從 上帝 來，爲 相信 得着：
10 畀 我 好 曉得 佢，搭 佢 活轉來个 能幹，貤 好 搭 佢 苦難 聚隊 有份，搭 佢 死法 佐樣；
11 或者 好 趕到 死人 再活。
> 12 Bing-fi ngô yi-kying teh-djôh, ah bing-fi ngô yi-kying jün-bi: ngô tsih wæ ze-teh cü-zông, ‛oh-tsia hao kön-djôh, yü-ts ngô-z ah yi-kying bi Kyi-toh Yia-su kön-djôh.
> 13 Hyüong-di, ngô-z feh sön yi-kying kön-djôh: tæn tso ih-yiang, ziu-z feh kwön pe-‛eo z-kön, yüong lih hyiang zin cü-gyiu min-zin z-kön,
> 14 ih-dzih kön-tao lih-piao di-fông, siang teh-djôh Zông-ti ze-ü Kyi-toh Yia-su jong zông-deo dziao-le-keh sông-s.
12 並非 我 已經 得着，也 並非 我 已經 全備：我 只 還 在𡍲 追上，或者 好 趕着，爲之 我自 也 已經 被 基督 耶穌 趕着。
13 兄弟，我自 不 算 已經 趕着：單 做 一樣，就是 不 管 背後 事幹，用 力 向 前 追求 面前 事幹，
14 一直 趕到 立標 地方，想 得着 上帝 在於 基督 耶穌 從 上頭 召來个 賞賜。
> 15 Su-i, ngô-he væn-pah jün-bi cü-ts ing-ke zeng keh sing-i: ziah-z ng-he yiu zah-m bih-yiang sing-i, keh z-kön Zông-ti tsiang-le ah we hyin-c‛ih peh ng-he:
> 16 dæn-z ngô-he su yi-kying tso-tao-keh di-bu, ing-ke i-jing tso-yiang feng-ts‛eng, ing-ke zeng tso-yiang sing-i.
> 17 Hyüong-di, ng-he yüong jü-de ‛ôh ngô-keh yiang, ping-ts‛ia yüong mông keh-sih tsiao ngô-he pông-yiang tso.
> 18 Ing-yü yiu hyü-to nying su tso, ngô lü-ts‛ teh ng-he kông-ku, yin-ze yi liu ngæn-li tse kông, ge-he z Kyi-toh zih-z-kô-keh dziu-dih:
> 19 ge-keh kyih-gyüoh z mih-gao, ge-keh zông-ti z z-kyi k‛eo-foh, yüong z-keh tao-me z-kön sön yüong-wa, tsih liu-sing si-zông z-kön.
> 20 Ngô-he-keh peng-koh ze t‛in-zông; ngô-he teng-de ih-yü Kyiu-cü, ziu-z Cü Yia-su Kyi-toh jong t‛in kông-lôh:
> 21 Ge we yüong Ge-z æh-voh væn-veh-keh do neng-kön, pin-hwa ngô-he pi-zin-keh kyi-sing, hao teh Ge-z yüong-wa-keh kyi-sing tso-yiang.
15 所以，我許 凡百 全備 主子 應該 存 箇 心意：若是 爾許 有 倽某 別樣 心意，箇 事幹 上帝 將來 也 會 顯出 畀 爾許：
16 但是 我許 所 已經 做到个 地步，應該 依順 佐樣 分寸，應該 存 佐樣 心意。
17 兄弟，爾許 用 聚隊 學 我个 樣，并且 用 望 箇些 照 我許 榜樣 做。
18 因爲 有 許多 人 所 做，我 屢次 搭 爾許 講過，現在 貤 留 眼淚 再 講，佢許 是 基督 十字架个 讎敵：
19 佢个 結局 是 滅爻，佢个 上帝 是 自己 口腹，用 自个 倒楣 事幹 算 榮華，只 留心 世上 事幹。
20 我許个 本國 在 天上；我許 等待 一位 救主，就是 主 耶穌 基督 從 天 降落：
21 佢 會 用 佢自 壓服 萬物个 大 能幹，變化 我許 卑賤个 己身，好 搭 佢自 榮華个 己身 佐樣。
===== Fl. 4. =====
第四章.
1 Ky‛ün ge-he ze-ü Cü gyi-lao, pông-zu Yiu-‛o-tia teh Jing-tu-kyi,
4 yi ky‛ün ge hyü-to z-kön,
10 ge z kao-hying, yü ge-he ze kæn-lao pu ge-keh ky‛üih-siao, feh-z siang sông-s, z siang ko-ts kyü tao ge-he-keh sing-zông.
19 T‛ao-sing teh tao-kao shih-wa.
1 勸 佢許 在於 主 徛牢，幫助 友阿爹 搭 循都基，
4 貤 勸 佢 許多 事幹，
10 佢 是 高興，爲 佢許 在 監牢 補 佢个 缺少，不是 想 賞賜，是 想 果子 歸 到 佢許个 身上。
19 討信 搭 禱告 說話。
> Su-i, ngô su ts‛ing-e su s-ts‛eng-keh hyüong-di, z ngô-keh kw‛a-lôh teh kwön-min, ngô ts‛ing-e-keh, ng-he ze-ü Cü iao gyi-lao.
所以，我 所 親愛 所 思忖个 兄弟，是 我个 快樂 搭 冠冕，我 親愛个，爾許 在於 主 要 徛牢。
> 2 Ngô ky‛ün Yiu-‛o-tia, yi ky‛ün Jing-tu-kyi, yüong ze-ü Cü zeng tso-yiang sing-i.
> 3 Wæ-yiu ts‛ing ng, zih-ze-keh te-siu, pông-zu keh liang-ke nyü-nying, ing-yü ge-he teh ngô jü-de c‛ih-lih djün foh-ing, Kah-li-min ah z-t‛ih, wæ-yiu ngô gyi-yü-keh pông-siu, ge-he ming-z tu sia ze weh-ming ts‛ah-zông.
2 我 勸 友阿爹，貤 勸 循都基，用 在於 主 存 佐樣 心意。
3 還有 請 爾，實在个 對手，幫助 箇 兩個 女人，因爲 佢許 搭 我 聚隊 出力 傳 福音，革利免 也 是僣，還有 我 其餘个 幫手，佢許 名字 都 寫 在 活命 冊上。
> 4 Ng-he ze-ü Cü iao dziang-z kw‛a-lôh: ngô yi kông, Iao kw‛a-lôh.
> 5 Ng-he ‛o-ky‛i-keh sing hao peh cong-nying hyiao-teh. Cü z gying-gao.
> 6 Yiang-yiang hyiao iu-zeo; yiang-yiang iao tao-kao, gyiu-k‛eng, lin kön-zia shih-wa, peh Zông-ti hyiao-teh ng-he-keh sing-nyün.
> 7 Zông-ti ts‛eh-dôh-feh-tao-keh bing-ön, ze-ü Kyi-toh Yia-su, we pao-wu ng-he-keh sing teh nyin-deo.
4 爾許 在於 主 要 長時 快樂：我 貤 講，要 快樂。
5 爾許 和氣个 心 好 畀 眾人 曉得。主 是 近爻。
6 樣樣 𠏕 憂愁；樣樣 要 禱告，求懇，連 感謝 說話，畀 上帝 曉得 爾許个 心願。
7 上帝 測度不到个 平安，在於 基督 耶穌，會 保護 爾許个 心 搭 念頭。
> 8 Tsong-z-nyin-ts, hyüong-di, væn-pah zing-zih z-kön, tön-tsing z-kön, kong-bing z-kön, ts‛ing-kyih z-kön, k‛o-e z-kön, t‛i-min z-kön, yiu zah-m teh-‛ang, yiu zah-m tsæn-mi, — ng-he tu yüong s-ts‛eng.
> 9 Ng-he ze ngô su-ze su ‛ôh-zih, su tsih-ziu, su t‛ing-djôh teh mông-djôh z-kön, tu iao tso: keh bing-ön-keh Zông-ti ziu we teh ng-he jü-de.
8 總而言之，兄弟，凡百 誠實 事幹，端正 事幹，公平 事幹，清潔 事幹，可愛 事幹，體面 事幹，有 倽某 德行，有 倽某 讚美，——爾許 都 用 思忖。
9 爾許 在 我 所在 所 學習，所 接受，所 聽着 搭 望着 事幹，都 要 做：箇 平安个 上帝 就 會 搭 爾許 聚隊。
> 10 NGÔ ze-ü Cü ting kao-hying, ing-yü ng-he s-nyin ngô-keh i-s yi fæh-c‛ih-le: ng-he nyün-z su-zông yiu keh i-s, tsih-z p‛ong-feh-djôh kyi-we.
> 11 Ngô bing-fi yü ky‛üih-siao t‛ih kông: ing-yü feh-leng zao z-kön tu ts-coh, keh z ngô yi-kying ‛ôh-tao.
> 12 Tso nying bing-zin, tso nying fu-coh, ngô tu hyiao-teh: feh-leng zao di-fông, feh-leng zao z-kön, ‛oh ky‛üoh-pao, ‛oh du-hæh, ‛oh yiu-yü, ‛oh feh coh, ngô tu ‛ôh-zih-ku.
> 13 Z Kyi-toh kô ngô lih-liang, ze-ü Ge ngô yiang-yiang z-kön tu neng-keo tso.
> 14 Shü-tsih z-t‛ih, ngô wæn-næn z-‛eo ng-he kyüong-ing ngô z hao.
10 我 在於 主 頂 高興，因爲 爾許 思念 我个 意思 貤 發出來：爾許 原是 素常 有 箇 意思，只是 碰不着 機會。
11 我 並非 爲 缺少 僣 講：因爲 不論 倽 事幹 都 知足，箇 是 我 已經 學到。
12 做 人 貧賤，做 人 富足，我 都 曉得：不論 倽 地方，不論 倽 事幹，或 喫飽，或 肚㾎，或 有餘，或 不 足，我 都 學習過。
13 是 基督 加 我 力量，在於 佢 我 樣樣 事幹 都 能彀 做。
14 雖即 是僣，我 患難 時候 爾許 供應 我 是 好。
> 15 Ng-he Fi-lih-pi nying ah hyiao-teh, djün foh-ing ky‛i, ngô tseo-c‛ih Mô-gyi-teng z-‛eo, kông-tao do-c‛ih siu-tsing z-kön, tsih-yiu ng-he, m-yiu bih-ke kao-we, le kyüong-ing ngô;
> 16 ngô ze T‛ih-sæh-lo-nyi-kô z-‛eo, ng-he feh-ts ih-t‛ao, yiu liang-t‛ao, ts‛a nying le pu ngô ky‛üih-siao.
> 17 Ngô bing-fi siang ng-keh li-veh; tsih siang ko-ts to peh ng-he teh-djôh ih-c‛ü.
> 18 Væn-pah meh-z ngô tu yiu-yü: ngô jong Yi-pô-feh-di tsih-ziu ng-he-keh li-veh, z Zông-ti su tsih-ziu su cong-i p‛eng-hyiang-keh tsi-veh, yin-ze ngô mön-coh.
> 19 Dæn-z ngô-keh Zông-ti tsiao Ge-z yüong-wa-keh fu-coh ze-ü Kyi-toh Yia-su we pu-coh ng-he yiang-yiang ky‛üih-siao.
15 爾許 非立比 人 也 曉得，傳 福音 起，我 走出 馬其頓 時候，講到 馱出 收進 事幹，只有 爾許，無有 別個 教會，來 供應 我；
16 我 在 帖撒羅尼迦 時候，爾許 不止 一套，有 兩套，差 人 來 補 我 缺少。
17 我 並非 想 爾个 禮物；只 想 果子 多 畀 爾許 得着 益處。
18 凡百 物事 我 都 有餘：我 從 以巴弗提 接受 爾許个 禮物，是 上帝 所 接受 所 中意 噴香个 祭物，現在 我 滿足。
19 但是 我个 上帝 照 佢自 榮華个 富足 在於 基督 耶穌 會 補足 爾許 樣樣 缺少。
> 20 Dæn-nyün yüong-wa tao si-si-de-de kyü peh Zông-ti ngô-he Vu-ts‛ing. Ô-meng.
20 但願 榮華 到 世世代代 歸 畀 上帝 我許 父親。亞門。
> 21 T‛ao-sing ze-ü Kyi-toh Yia-su cong sing-du. Teh ngô jü-de cong hyüong-di t‛ao-sing ng-he.
> 22 Cong sing-du iao t‛ao-sing ng-he, Ke-sæh u-li-keh sing-du kah-nga iao t‛ao-sing ng-he.
21 討信 在於 基督 耶穌 眾 聖徒。搭 我 聚隊 眾 兄弟 討信 爾許。
22 眾 聖徒 要 討信 爾許，該撒 塢裏个 聖徒 格外 要 討信 爾許。
> 23 Dæn-nyün ngô-he Cü Yia-su Kyi-toh-keh eng-yü teh ng-he cong-nying jü-de. Ô-meng.
23 但願 我許 主 耶穌 基督个 恩惠 搭 爾許 眾人 聚隊。亞門。