====== S-DU PAO-LO SIA PEH DI-TO KEH SHÜ-SING. ======
使徒保羅寫畀提多个書信
===== Dt. 1. =====
第一章.
1 Pao-lo zao yün-ku liu Di-to ze Kah-li-ti.
6 Kæh-nying hao tso kæn-toh.
11 Ing-ke seh-lao ky‛i-p‛in nying-keh k‛eo:
12 ge-keh ‛ang-yü z tsa-sang.
1 保羅 倽 緣故 留 提多 在 革哩底。
6 吤人 好 做 監督。
11 應該 塞牢 欺騙 人个 口：
12 佢个 行爲 是 怎生。
> ZÔNG-TI-KEH nu-boh Pao-lo, Yia-su Kyi-toh-keh s-du, tsiao Zông-ti su t‛iao-shün-keh nying siang-sing, ming-ming sih-teh gyin-zing-keh tsing dao-li;
> 2 sô-mông üong-yün weh-ming, ziu-z keh-yü feh neng tseh-hông-keh Zông-ti væn-de ts-zin su ing-hyü;
> 3 z-‛eo ih tao, yüong djün-dao-keh fông-fæh hyin-c‛ih Ge-keh shih-wa; keh z tsiao ngô-he Kyiu-cü Zông-ti-keh feng-fu su t‛ôh-fu ngô, —
> 4 t‛ao-sing Di-to, tsiao siang-sing z ngô tsing-keh n-ts: Dæn-nyün Vu-ts‛ing Zông-ti, teh Cü Yia-su Kyi-toh ngô-he-keh Kyiu-cü, s-lôh eng-yü, e-lin, bing-ön peh ng.
上帝个 奴僕 保羅，耶穌 基督个 使徒，照 上帝 所 挑選个 人 相信，明明 識得 虔誠个 真 道理；
2 奢望 永遠 活命，就是 箇位 不 能 撒謊个 上帝 萬代 之前 所 應許；
3 時候 一 到，用 傳道个 方法 顯出 佢个 說話；箇 是 照 我許 救主 上帝个 吩咐 所 託付 我，——
4 討信 提多，照 相信 是 我 真个 兒子：但願 父親 上帝，搭 主 耶穌 基督 我許个 救主，賜落 恩惠，哀憐，平安 畀 爾。
> 5 NGÔ su-i liu ng ze Kah-li-ti, iao ng tsing-teng su vong tsing-teng z-kön; tsiao ngô su coh-fu ng, ze kôh zing-li sih-lih tsiang-lao:
> 6 pih-iao m p‛i-bing-keh nying, tsih-yiu ih-ke ts‛i-ts; ge n-nô z siang-sing, m-kao hao kông ge yiu-hyi-lông-dông, yi feh-z wang-li.
> 7 Ing-yü kæn-toh z Zông-ti-keh tsiang-vông sin-sang, ing-ke m p‛i-bing; feh-k‛o ku-tsih-peh-t‛ong, feh-k‛o ky‛ing-yi dong-nu, feh-k‛o tsiu-cü, feh-k‛o tang-nying, feh-k‛o t‛ön fi-nyi-ts-ze;
> 8 z iao ing-gying de k‛ah, ts‛ing-e zin-nying, wang-tông((應爲：weng-tông。)), kong-bing, ts‛ing-kyih, tön-fông:
> 9 ‛eh-djôh tsing-dao k‛ôh-zih shih-wa iao siu-lao, ziu hao yüong tsing-kying shih-wa kao-hyüing ky‛ün-hwa bih-ke, yi hao pôh-tao gyiang-bin cü-ts.
5 我 所以 留 爾 在 革哩底，要 爾 整頓 所 朆 整頓 事幹；照 我 所 囑咐 爾，在 各 城裏 設立 長老：
6 必要 無 批評个 人，只有 一個 妻子；佢 兒囡 是 相信，無較 好 講 佢 遊戲浪蕩，貤 不是 橫理。
7 因爲 監督 是 上帝个 賬房 先生，應該 無 批評；不可 固執不通，不可 輕易 動怒，不可 酒醉，不可 打人，不可 貪 非義之財；
8 是 要 慇懃 待 客，親愛 善人，穩當，公平，清潔，端方：
9 合着 真道 確實 說話 要 守牢，就 好 用 正經 說話 教訓 勸化 別個，貤 好 駁倒 強辯 主子。
> 10 Ing-yü yiu hyü-to wang-li, hyü-hwa, ky‛i-p‛in-keh nying, z yiu tsiu-keh-li cü-ts to;
> 11 pih iao seh-lao ge k‛eo; ge yü fi-nyi-ts-ze kao feh ‛eh-li z-kön, we yiu-‛oh ‛eh-kô nying.
> 12 Ge-he z-kyi peng-di sin-ts-nying yiu ih-ke kông, “Kah-li-ti nying ih-hyiang kông hông-wa, z hyüong-ôh-keh tseo-siu, t‛ön ky‛üoh læn tso.”
> 13 Keh te-tsing z tsing-keh. Su-i ng yüong nyin-kying tsah-væh ge, peh ge siang-sing we m mao-bing,
> 14 feh t‛ing Yiu-t‛a kao m ying-tsong shih-wa, teh nying-keh feng-fu, ge z yü-be tsing dao-li.
10 因爲 有 許多 橫理，虛花，欺騙个 人，是 有 週割禮 主子 多；
11 必 要 塞牢 佢 口；佢 爲 非義之財 教 不 合理 事幹，會 誘惑 合家 人。
12 佢許 自己 本地 先知人 有 一個 講，“革哩底 人 一向 講 謊話，是 兇惡个 走獸，貪 喫 懶 做。”
13 箇 對證 是 真个。所以 爾 用 嚴緊 責罰 佢，畀 佢 相信 會 無 毛病，
14 不 聽 猶太 教 無 形蹤 說話，搭 人个 吩咐，佢 是 違背 真 道理。
> 15 Væn-pah meh-z ze ts‛ing-kyih cü-ts tu z ts‛ing-kyih: ze we-u feh siang-sing cü-ts, m-yiu ih-yiang z ts‛ing-kyih; ge sing-zing teh liang-sing tu z we-u.
> 16 Ge-z kông sih-teh Zông-ti; ge-keh ‛ang-yü feh tsiao-nying Zông-ti, z k‛o-u feh i-jing-keh, teh ih-ts‛ih-keh zin-z jih-k‛e.
15 凡百 物事 在 清潔 主子 都 是 清潔：在 穢污 不 相信 主子，無有 一樣 是 清潔；佢 性情 搭 良心 都 是 穢污。
16 佢自 講 識得 上帝；佢个 行爲 不 招認 上帝，是 可惡 不 依順个，搭 一切个 善事 絕開。
===== Dt. 2. =====
第二章.
1 T‛ong-ts Di-to tsa-sang kao-hyüing kao-yiu, tsa-sang tso nying.
9 Nu-boh teh kao-yiu-keh ming-veng.
1 通知 提多 怎生 教訓 教友，怎生 做 人。
9 奴僕 搭 教友个 明份。
> DÆN-Z ng su kông ‛eh-djôh tsing-kying dao-li shih-wa:
> 2 lao-nying-kô iao ge kying-zing, tön-tsông, weng-tông, yü siang-sing, zing-e, ne-sing, tu iao jün-bi:
> 3 lao-ön-nying ah iao ge ‛ang-yü ‛eh-djôh gyin-zing, feh-k‛o t‛iao-cü, feh-k‛o to ky‛üoh tsiu, yüong zin-z kao-hyüing;
> 4 yi hao kao ‛eo-sang nyü-nying ts‛ing-e dziang-fu, e-sih n-nô,
> 5 weng-tông, tsing-tsih, ön-veng siu-kô, liang-zin, voh z-keh dziang-fu, sang-teh nying hyü-pông Zông-ti-keh dao-li.
但是 爾 所 講 合着 正經 道理 說話：
2 老人家 要 佢 謹慎，端莊，穩當，于 相信，仁愛，耐心，都 要 全備：
3 老安人 也 要 佢 行爲 合着 虔誠，不可 挑嘴，不可 多 喫 酒，用 善事 教訓；
4 貤 好 教 後生 女人 親愛 丈夫，愛惜 兒囡，
5 穩當，貞節，安分 守家，良善，服 自个 丈夫，省得 人 毀謗 上帝个 道理。
> 6 ‛Eo-sang yüong ky‛ün ge iao tön-tsing tso nying:
> 7 ng-z yiang-yiang z-kön iao tso hao ‛ang-yü-keh pông-yiang peh ge mông; djün dao-li iao ts‛ing-kyih, tön-tsông, zing-zih,
> 8 kông tsing-kying m p‛i-bing shih-wa; peh tsôh-te cü-ts m-kao hao kông ng-he feh hao, fæn-cün we ‛ôh-nying-siang.
6 後生 用 勸 佢 要 端正 做 人：
7 爾自 樣樣 事幹 要 做 好 行爲个 榜樣 畀 佢 望；傳 道理 要 清潔，端莊，誠實，
8 講 正經 無 批評 說話；畀 作對 主子 無較 好 講 爾許 不 好，反轉 會 下人相。
> 9 Tso nu-boh-keh, iao ky‛ün ge voh-z z-keh cü-nying-kô, yiang-yiang z-kön peh ge cong-i; feh-k‛o ing-cü.
> 10 feh-k‛o lôh-deo, iao zeng ih-ts‛ih-keh cong-sing; ziu we peh ngô-he Kyiu-cü Zông-ti-keh dao-li yiang-yiang z-kön yiu tseng-djong.
9 做 奴僕个，要 勸 佢 服事 自个 主人家，樣樣 事幹 畀 佢 中意；不可 應嘴。
10 不可 落頭，要 存 一切个 忠心；就 會 畀 我許 救主 上帝个 道理 樣樣 事幹 有 尊重。
> 11 ING-YÜ Zông-ti kyiu væn-pah nying-keh eng-yü ming-ming hyin-c‛ih,
> 12 kao ngô-he tön-gao feh gyin-zing z-kön, teh si-joh-keh s-yüoh, ze-si iao tön-tsing, kong-nyi, gyin-zing tso nying;
> 13 iao teng-de su sô-mông-keh foh-ky‛i, teh ngô-he Kyiu-cü Yia-su Kyi-toh keh-yü do Zông-ti hyin-c‛ih Ge yüong-wa;
> 14 Ge yü ngô-he sô-c‛ih Z-kyi sing-ming, iao c‛ü-joh ngô-he t‛eh-c‛ih ih-ts‛ih ze-ôh, kyih-zing ngô-he hao tso Ge-z dzih-din-keh pah-sing, nyih-sing ‛ang-zin.
11 因爲 上帝 救 凡百 人个 恩惠 明明 顯出，
12 教 我許 斷爻 不 虔誠 事幹，搭 世俗个 私慾，在世 要 端正，公義，虔誠 做 人；
13 要 等待 所 奢望个 福氣，搭 我許 救主 耶穌 基督 箇位 大 上帝 顯出 佢 榮華；
14 佢 爲 我許 捨出 自己 性命，要 取贖 我許 脫出 一切 罪惡，潔淨 我許 好 做 佢自 值錢个 百姓，熱心 行善。
> 15 Keh-sih z-kön ng iao kông, iao ky‛ün-hwa ge, yüong gyün-ping p‛i-bing ge. Feh-k‛o bi bih-ke k‛ön-ky‛ing.
15 箇些 事幹 爾 要 講，要 勸化 佢，用 權柄 批評 佢。不可 被 別個 看輕。
===== Dt. 3. =====
第三章.
1 Pao-lo t‛ong-ts Di-to zah-m iao kao-hyüing, zah-m feh ing-ke kông,
10 feng-k‛e kao-we-keh nying ing-ke tön ge gao:
12 kông kyih-z tao Nyi-ko-po-lih we-djôh ge, t‛ao-sing shih-wa.
1 保羅 通知 提多 倽某 要 教訓，倽某 不 應該 講，
10 分開 教會个 人 應該 斷 佢 爻：
12 講 幾時 到 尼哥波立 會着 佢，討信 說話。
> Ng iao di-sing ge-he iao voh yiu tsiah-yü yiu gyün-ping cü-ts, iao i-jing, zing-nyün tso ih-ts‛ih zin-z,
> 2 feh-k‛o hyü-pông, feh-k‛o tsang-nao, z iao ‛o-ky‛i, hyin-c‛ih ih-ts‛ih-keh weng-ziu hyiang væn-pah nying.
爾 要 提醒 佢許 要 服 有 爵位 有 權柄 主子，要 依順，情願 做 一切 善事，
2 不可 毀謗，不可 爭鬧，是 要 和氣，顯出 一切个 溫柔 向 凡百 人。
> 3 Ing-yü ngô-he z-kyi su-le ah z nge-beng, feh i-jing, tseo dzæn-lu, tso hyü-to ‛ao s-yüoh teh kw‛a-weh-keh nu-boh, ze ôh-doh k‛eh-tu tso nying, k‛o-u, ng ky‛i ngô ngô ky‛i ng.
> 4 Teng-tao ngô-he Kyiu-cü Zông-ti-keh z-e teh z-pe hyin-ming,
> 5 bing-fi yü ngô-he su tso tsing-dzih-keh ‛ang-yü, z tsiao Ge-z e-lin, si kön-zing tse-sang teh Sing-Ling-keh pin-hwa kyiu ngô-he,
> 6 Sing-Ling ziu-z Ge t‛ôh ngô-he Kyiu-cü Yia-su Kyi-toh ‛eo-‛eo s-peh ngô-he;
> 7 peh ngô-he k‛ao Ge eng-yü sön tsing-dzih, hao tso Ge tsih-de-keh n-ts, sô-mông üong-yün weh-ming.
3 因爲 我許 自己 素來 也 是 獃㤓，不 依順，走 賺路，做 許多 號 私慾 搭 快活个 奴僕，在 惡毒 刻妒 做 人，可惡，爾 氣 我 我 氣 爾。
4 等到 我許 救主 上帝个 慈愛 搭 慈悲 顯明，
5 並非 爲 我許 所 做 正直个 行爲，是 照 佢自 哀憐，洗 乾淨 再生 搭 聖靈个 變化 救 我許，
6 聖靈 就是 佢 託 我許 救主 耶穌 基督 厚厚 賜畀 我許；
7 畀 我許 靠 佢 恩惠 算 正直，好 做 佢 接代个 兒子，奢望 永遠 活命。
> 8 Keh z k‛ôh-zih-keh shih-wa, keh z-kön ngô iao ng k‛ao-zih kông, peh yi-kying siang-sing Zông-ti-keh nying we liu-sing zih-lin hao ‛ang-yü. Keh z-kön z hao, yiu-ih yü cong-nying:
> 9 ziah-z nge-beng-keh nyi-leng, kô-pu, siang-tsang, teh leh-fæh-keh gyiang-bin, iao bi-k‛e ge; ing-yü ge tu z hyü-k‛ong vu-ih.
> 10 Iao feng-k‛e kao-we-keh nying, kyi-zin kying-ka liang-t‛ao, iao tön ge gao;
> 11 ing-yü hyiao-teh keh-yiang-ts nying ge sing cün-pin, væn-ze, z ding z-keh ze.
8 箇 是 確實个 說話，箇 事幹 我 要 爾 靠實 講，畀 已經 相信 上帝个 人 會 留心 習練 好 行爲。箇 事幹 是 好，有益 于 眾人：
9 若是 獃㤓个 議論，家譜，相爭，搭 律法个 強辯，要 避開 佢；因爲 佢 都 是 虛空 無益。
10 要 分開 教會个 人，既然 警戒 兩套，要 斷 佢 爻；
11 因爲 曉得 箇樣子 人 佢 心 轉變，犯罪，自 定 自个 罪。
> 12 Ngô ts‛a Ô-di-mô ‛oh-tsia T‛e-kyi-ku tao ng su-ze z-‛eo, ng iao kön-kying tao Nyi-ko-po-lih le kyin ngô: ing-yü ngô ih-ding ze-kæn ku tong.
> 13 Keh kao leh-fæh-keh Si-neh, teh Ô-po-lo, ng yüong ing-gying song ge, peh ge fe ky‛in-ky‛üih.
> 14 Ngô-he-keh nying iao ‛ôh-zih hao ‛ang-yü, pu-coh nying-keh ky‛üih-siao, min-teh m dao-dzing.
12 我 差 亞提馬 或者 推基古 到 爾 所在 時候，爾 要 趕緊 到 尼哥波立 來 見 我：因爲 我 一定 在吤 過 冬。
13 箇 教 律法个 西納，搭 亞波羅，爾 用 慇懃 送 佢，畀 佢 𣍐 欠缺。
14 我許个 人 要 學習 好 行爲，補足 人个 缺少，免得 無 道程。
> 15 Ngô jü-de cü-ts tu t‛ao-sing ng. T‛ao-sing zeng siang-sing-keh sing e-sih ngô-he cü-ts. Dæn-nyün eng-yü teh ng-he cong-nying jü-de. Ô-meng.
15 我 聚隊 主子 都 討信 爾。討信 存 相信个 心 愛惜 我許 主子。但願 恩惠 搭 爾許 眾人 聚隊。亞門。